Eo li aghju letti tutti, ancu "A funtana di Vignale" di u mo amicu bastiacciu Ghjacumu Pithiviers.

avà serebbe ora di prupone un novu suggettu ! no ? eiu si mai n aghju unu !

a mio idea era di fà un scrittu pueticu nanta u tema di u virtuale. hè un suggettu chì aghju circatu di trata centu volte ma ùn ci riescu micca a fà quelcosa chì mi cunvene....eppuru, u virtuale hè un affare chì occupa una grande parte di a nostra vita oghjinca !! trovu ch ellu hè un eserciziu difficiule ma interessante eccu se vo site d accunsentu u femu osigno ùn vole di ^^

Ch'aspetti esattamente? Un scrittu nantu à l'internet è l'urdinatori, è i nuvelli mezi di cumunicazione?
O una loda à Face Book?

pè u restu, eiu ùn aspettu nunda d altru chè di sape ciò ch ellu po inspira u virtuale a un pueta ...!!![/quote]


L’altru versu


Vogliu tuccà cù l’ochji ciò chì a manu ùn sente
È vede l’altru versu di cose tralucente
Sapè e fiure nate da ciò ch’ hè senza esse
Intriccià mi à l’ore chì a tela ci tesse

In ‘ssu mondu di sognu mi ci vogliu affundà
Da esse qualchì sia c’ùn hà realità
Esse nulla è à tempu, tuttu pudè pruvà
Donna, omu, zitellu ancu acellu chì sà ?

Iè ! esse l’altore, vulà sopra à u mondu
Duv’ellu ùn ci n’hè più, nè bè, nè puru male
Vulà, vulà dinù spiritu vagabondu
Apre, chjode è pò apre di ogni virtù l’ale

Quand’in quandu falà è tuccà torna tarra
Lascià mi una cria ‘sse falze libertà
Per esse torna eiu, a mio vita campà
Quant’unque, hè cusì bella, ancu per esse amara…

Ai fattu in furia !
"di ogni virtù l'ale" què hà da piace à titic... (piace anc'à mè). Avà piantu quì chì sè no ci femu sempre e lode tramindui, l'astri anu da crede chì siamu di mescia

500 missagi ! Evviva !

bella puesia.

Era longu, era propiu longu, era troppu longu, (è in più di què, ùn sò micca allessandrini cume l'aviu prumessu), ma eccu a mio cuntribuzione à un'anzianu scrittu impostu d'un'mi ricordu più quandu talmente era anzianu :

Citation:

Cantu di u Machjaghjolu Quand’ u bellu veranu schjatta di li so mille fiori O chì l’estate caldu sparghje tutti li so culori Quandu lu dolce vaghjime ci piglia in la so magia O quandu l’inguernu fieru inneva cun’alterigia Eiu, mi ne stò piattatu, mi ne stò à lu sicretu Firmendu mutu, immobile, ma mai à l’arrichetu M’anu dettu banditu è m’anu dettu malfatore Ma a verità hè chì sò eiu un’omu d’onore U bellu cantu di l’acelli chì rallegra le machje Mi face sminticà u stridu di tutte le curnachje Passu lu ghjornu chjosu, aspettu l’ore di la notte Per esc’appen’in libertà, sempre dritt’in le mio botte U filu di la mio vita m’hà purtatu per sti lochi Duve si camp’à lu sicretu è li piacè sò pochi Ma sò eiu un’machjaghjolu è brusgia lu mio destinu Amicu di li venti da lu muntese à lu marinu A mio storia hè cum’una fola, altiera è bella Pare purtata da la manu d’una fata ribella È sè la mio vita pò certe volte parevvi dura Sempre la mio sorte hè la più fina è la più pura Per avè fattu u mio degnu duveru d’omu corsu Chì accetta a verità, micca li vani discorsi M’anu dettu criminelu è mi facenu a caccia È diventò lu nemicu d’una « ghjustizia » vigliaccia Ma certe sere in u m’aggrottu, mi vene stu sonniu D’un’alba più serena, di stu ghjornu di calcedoniu Chì vederà infine u trionfu di a verità È chì sì sbuccerà infine u fiore di libertà In stu ghjornu benedettu, u castig’u compieraghju Infine grazi’à Diu in paese riveneraghju Ci camperaghju tutta la mio vita in serenità, È dopu mi n’anderaghju in pace per l’eternità.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta