Magnifica puesia di l'amicu Mattu Mattu, chi fiurisce l'ultimu CD di Anghjula Potentini ( a mezu à tant'altre belle dinù...)

Spera ch'ellu a metterà quì per spartela incù noi tutti

A vi mittaraghju:

eccu a "vera" puesia.

Tesse

Tesse a notte à fil d’argentu,
Incuratà u firmamentu,
Diana cruna,
Acu di luna,
Cosge e stelle ad una ad una.

Tesse u ghjornu à fili d’oru
Celu viranu, sole tisoru,
Crune di basgi,
Achi fucaci,
Cosge d’amore i so ragi.

Tesse u tempu d’ore lebbie,
U rinaghjolu chì si rebbie,
Crune pacere
Di l’achi sfiere,
Cosge l’avvene di prichere.



pè i bisogni di a musica Patrizia hà tagliatu è cusgitu (hè u casu di dilla) à so modu

belle puesie annant'à stu discu hè vera.

Quelle di Santucci ben'intesa ma dinù quelle di Sonia Moretti.

Mi pare una di e soie a più bella di u discu:

"Di veru è di passione."

Mi piace assai pare una puesia di Ghjuvanteramu Rocchi avaria da piace ancu à Tittò

Grazie!

Sì un sartore di prima trinca

Incuratà ("u firmamente") postu ch'iddu si tratta di cusgera, sarà quì "curà" lu bè, ch'iddu divintessi una tessitura astrali....incuratà saria solu accupà si ni à a moda di i sartori......... ghjè a parola "curà" cù calchi lunghezza più puetica... spergu d'ùn sbaglià mi di troppu

incuratà un acu hè fà passà u filu ind'è a cruna.

a curata hè u pezzu di filu nicissariu per cosge.

Avà c'è u patrone... Mi piattu !

buuh quant'iddu ni sà 'ssu patronu.....quasgi quant'è a ben' di minnana!

Avia ùna vechja zia chì ùn ci vidia più tantu ma cusgia listessu...

è mi dicia sempre: "incuratami un acu"

si n'ampara tutti i ghjorni . quandu pensu chi mammone era sartora ...