Un mumentu ùn si pò spinghje
Ne distrughje o sguassà
A ciò u tempu stringhje
Nunda ùn si pò cancellà
Nantu à st’ore cusì linde
Un sì pò chè dì « disgià »...

Da chì un sintimu corre
In cerca d’un pianu à spannà
Senza paura o timore
Ghjustu un sintimu chì và
Intona è voga l’amore
Affiancu à l’eternità...

Dapoi un certu ghjornu
A mo strada pigliò l’insù
Maravigliendu à l’intornu
Ogni passu sempre di più
Riflettendu in u cuntornu
E passione di sta virtù

Un mumentu ùn si pò spinghje
Ne distrughje o sguassà
A ciò u tempu stringhje
Nunda ùn si pò cancellà
Nantu à st’ore cusì linde
Un sì pò chè dì « disgià »...

Da chì sta fiara s’incende
In cerca d’una libertà
Solu l’amore pò pretende
Guidà stu sognu à chjappà
In brama di spere à spende
A spera di u benestà…

Ore, minuti è siconde
Frà ciò chì si pò sgranà
Ind’è quelle chjare onde
Ormai vogliu navigà
Ramintendu tante stonde
E stu felice campà…

Un mumentu ùn si pò spinghje
Ne distrughje o sguassà
A ciò u tempu stringhje
Nunda ùn si pò cancellà
Nantu à st’ore cusì linde
Un sì pò chè dì « disgià »...

Cum’è in un altru mondu
Un mondu fattu di tè
Stu sintimu più prufondu
Insolca u mo perchè
Versu un locu senza fondu
Induve cresce u piacè…

Cum’è u volu d’un acellu
Invita à dì di sì
Nun un maestosu celu
Un turchinu à l’infinì
Uniti à stu gioiellu
Nunda quì ùn pò smarì…

Per ciò chì chjama l’avisu
Rimiru à ùn più finì
In quellu chjaru surrisu
Nunda ùn si pò smentì
Chì eiu trovu un paradisu
In stu surrisu custì

Prediletti è generosi
I passi di u tempu sò
Un si tenenu ascosi
D’amore sò e stasgiò
In sti detti amurosi
Ci hè sempre una rasgiò…

A stu mumentu divinu
Mi ne vogliu affiancà
Manu à manu à u destinu
In ciò chì pò rigallà
Nostru beatu camminu
Un face chè cummincià…

o Titu, sè migliori !

Bravu ! ùn annu di matrimoniu ?

ùn annu ch'è tù ti sè spussillatu?


un piccula dumanda:
aghju rimarcatu ch'è tù scrivia (cum'è Cumpà) disgià dite didja o dija *
ind'è voi?

* hè u sonu francese chì a funetica annant'à u foru ùn ci hè

osinnò bella puesia, faci i prugressi, sarè forse prontu pè u sette...

Tanti ringrazii per sti cummenti...


Iè ind'è noi si dice disgià. [didjà]...

s'ellu si dice "didjà" si scrive digià.

disgià = dijà (j francese)

Ai a ragiò...ma forse a sapie..

A iè.. hè un accrusticu (ùn sò esattamente s'ellu hè a bona a parulla)...

a rasgiò e a stasgiò dinò ?

si dice acrosticu
certi dicenu acrustichju

ùn ci avia fattu casu.

ma avà ci vole à currege duie strufate

In li DVD "Parolle d'Eri", quellu ch'hà fattu i sottutituli (Franchi mi pare ?) mette suvente "rasgione" ecc. ancu sì quellu chì parla dice "ragione".

Un annu chì a to musa hè quì
Avà ghjè per ella un CDI